Oralda jeńil kólik jaıaý júrginshini qaǵyp ketti
ORAL. QazAqparat – Oralda jeńil kólik jaıaý júrginshini qaǵyp ketti, dep habarlaıdy QazAqparat tilshisi.
Oqıǵa búgin túnde Oral-Jelaev jolynda oryn aldy.
«BMV» avtokóligi «QazMunaıGaz» janar-jaǵar maı quıý stansasy tusynda er adamdy qaǵyp ketken.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, jedel járdem saǵat 02.02-de shaqyrtyldy. Brıgada bes mınýttan keıin jetken. Ókinişke qaraı, jasy 35-40 shamasyndaǵy er adam jedel járdem jetkenge deıin qaıtys bolyp ketken.
Qazirgi kezde oqıǵanyń jaı-japsary anyqtalý ústinde.
Eske sala keteıik, budan buryn Batys Qazaqstanda jol apatynan úsh adamnyń jaraqat alǵanyn jazǵan bolatynbyz.
