Oralda jeńil kólik pen «KamAZ» soqtyǵysyp, eki adam jaraqat aldy
ORAL. QazAqparat - Oralda jeńil kólik pen «KamAZ» soqtyǵysyp, eki adam jaraqat aldy, dep habarlaıdy QazAqparat tilshisi.
Oqıǵa keshe keshkisin Konkın kóshesi boıynda boldy.
«VAZ-2110» ben «KamAZ» avtokóligi túıisken.
Avtokólik ishinde qysylyp qalǵan júrgizýshini qutqarýshylardyń shyǵaryp alýyna týra keldi.
Batys Qazaqstan oblystyq TJ departamentiniń baspasóz qyzmetinen alynǵan málimetke qaraǵanda, jedel qutqarý jasaǵyna shaqyrtý saǵat 20.02-de túsken. Qutqarýshylar 20-15-te jetip, 20-31-de jumystaryn aıaqtaǵan. Oqıǵa ornyna 10 qutqarýshy men eki tehnıka jiberilgen.
BQO densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, saǵat 19.59-da jedel járdemge qońyraý shalynǵan. Eki brıgada alty mınýttan keıin jetken.
Jaraqat alǵan 1992 jáne 1994 jylǵy eki er adam oblystyq aýrýhanaǵa jetkizildi. Qazirgi kezde jaǵdaılary turaqty.
Eske sala keteıik, budan buryn Oralda býldozer men avtobýstyń túıisip, úsh adamnyń jaraqat alǵanyn jazǵan bolatynbyz.
