Oralda jeńil kólik arnaıy tehnıkamen soqtyǵysyp, júrgizýshi aýrýhanaǵa jetkizildi
ORAL. QazAqparat – Oralda jeńil kólik arnaıy tehnıkamen soqtyǵysyp, júrgizýshi aýrýhanaǵa jetkizildi, dep habarlaıdy QazAqparat tilshisi.
BQO polıtsııa departamentiniń resmı ókili Bolatbek Belgibekovtiń málim etkenindeı, oqıǵa 8 qazan kúni saǵat 00.02-de Zachagan kentindegi Jáńgir han kóshesinde boldy.
«Taza qala» JShS-na tıesili ZIL arnaıy avtokóligi «Lada Granta» kóligimen túıisti.
Sonyń saldarynan túrli jaraqat alǵan jeńil kóliktiń júrgizýshisi aýrýhanaǵa jatqyzyldy. Onyń qasynda bolǵan jolaýshyny dárigerler qaraǵannan keıin úıine qaıtardy.
Osy derek boıynsha QR QK 345-baby 1-bóligine sáıkes sotqa deıingi tergeý amaldary júrgizilýde.
Eske sala keteıik, budan buryn Oralda avtokóliktiń aıaldamany qıratyp ketkenin jazǵan bolatynbyz.
