Oralda jeńil avtokólik órtenip ketti
ORAL. QazAqparat – Oralda jeńil avtokólik órtenip ketti, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa 1 qyrkúıek kúni Saryarqa kóshesi 51-mekenjaıynda saǵat 06.26-da oryn aldy.
«Volkswagen Sharan» avtokóliginiń motor bóligi janǵan.
Órtti sóndirýge 7 adam, 1 tehnıka jumyldyryldy. «Tilsiz jaý» 07.02-de aýyzdyqtaldy.
Zardap shekkender joq.
Qazirgi kezde órttiń shyǵý sebebi, keltirilgen shyǵyn anyqtalýda.
Baspasóz qyzmetiniń málimdeýinshe, avtokólik 5-6 mınýtta janyp ketedi jáne kóbinese kólik ıesiniń kózinshe bolyp jatady. Munyń negizgi úsh sebebi bar: 50 paıyzy qysqa tuıyqtalýdan, 30 paıyzdaıy qasaqana ot qoıýdan jáne 20 paıyzdaıy qosalqy bólshekterdiń tozýynan bolady.
Eske sala keteıik, budan buryn BQO-da kolledj ǵımaratynyń opyrylyp túskenin jazǵan bolatynbyz.
