Oralda jeńil avtokólik mototsıklmen kele jatqan adamdy qaǵyp ketti
ORAL. QazAqparat - Oralda jeńil avtokólik mototsıklmen kele jatqan adamdy qaǵyp ketti, dep habarlaıdy QazAqparat tilshisi.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, oqıǵa 1 mamyr kúni M.Ótemisov pen Kókshetaý kósheleriniń qıylysynda oryn aldy.
«Sonyń saldarynan 1962 jylǵy mototsıkl júrgizýshisi zardap shekti. Jedel járdem saǵat 11.21-de oqıǵa ornyna keldi. Er adam oblystyq kópbeıindi aýrýhanaǵa jetkizildi», dedi QazAqparat tilshisine A.Saqposynova.
Turǵyndardyń aıtýynsha, baǵdarsham men avtokólikterdiń júrisin baıaýlatatyn kedergi bolmaǵandyqtan, osy eki kósheniń qıylysynda jol-kólik oqıǵasy jıi oryn alady.
«Aptasyna keminde úsh-tórt avtokólik soqtyǵysady. Budan birneshe kún buryn avtokólikter soqtyǵysyp, elektr baǵanyn syndyryp ketken. Avtokólikter jaıaý júrginshi jolyna qaramaıdy. Osy tustan mektep oqýshylary da jıi ótedi. Sondyqtan baǵdarshamnyń bolǵany durys qoı», deıdi turǵyndar.
Eske sala keteıik, budan buryn Oralda úsh avtokólik soqtysyp, bir adamnyń jaraqat alǵanyn, BQO-da oqýshylardyń kólikpen aýdarylýyna qatysty qylmystyq is qozǵalǵanyn jazǵan bolatynbyz.
