Oralda jeńil avtokólik baǵanǵa soǵyldy
ORAL. QazAqparat - Oralda jeńil avtokólik baǵanǵa soǵyldy, dep habarlaıdy QazAqparat tilshisi.
Oqıǵa búgin tańerteń Gagarın kóshesiniń boıynda oryn aldy. «Lada Granta» avtokóligi elektr baǵanǵa kelip soǵylǵan. Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, jedel járdem saǵat 08.34-te jetken.
«1956 jylǵy er adam keýde tusynan jaraqat alǵan. Ol qalalyq kópbeıindi aýrýhanaǵa jetkizildi», - dedi QazAqparat tilshisine A.Saqposynova.
Kýágerlerdiń sózine qaraǵanda, birneshe saǵattan keıin osy tustaǵy taǵy bir baǵan jolaı ótip bara jatqan avtokólikke qulaǵan. Onyń júrgizýshisi jaraqat almaǵan.
Foto: mgorod.kz
