Oralda jeksenbi kúnderi qoǵamdyq kólikter júrmeıtin boldy

ORAL. QazAqparat – Oral qalasynda jeksenbi kúnderi qoǵamdyq kólikter júrmeıtin boldy, dep habarlaıdy QazAqparat tilshisi.

BQO bas memlekettik sanıtar dárigeri Muhamǵalı Aryspaev bıylǵy 21 qańtardaǵy «Batys Qazaqstan oblysynyń aýmaǵynda karantındik shekteý sharalaryn kúsheıtý týraly» № 2-BMSDQ qaýlysyna tolyqtyrý engizdi.

Soǵan sáıkes dezınfektsııalyq is-sharalardy júrgizý úshin qoǵamdyq kólikter jumysy 31 qańtar men 7 aqpan aralyǵyndaǵy jeksenbi kúnderi toqtatylady.

Qaýly búginnen bastap kúshine endi.

Eske sala keteıik, budan buryn Batys Qazaqstanda karantındik shekteý sharalary kúsheıtiletinin, óńirde 8500-den astam medıtsına qyzmetkerin egý kózdelip otyrǵanyn jazǵan bolatynbyz.

Oralda sondaı-aq sońǵy úsh kúnde 180 adam koronavırýs juqtyrdy.