Oralda jeke úı órtenip ketti
ORAL. QazAqparat – Oral qalasynda mansardaly jeke úı órtenip ketti, dep habarlaıdy QazAqparat tilshisi.
BQO Tótenshe jaǵdaılar departamentiniń baspasóz qyzmetinen málim etkenindeı, oqıǵa 12 qazan kúni A.Orazbaeva kóshesi, 49 mekenjaıynda boldy.
Saǵat 08.47-de órt shyqqany jóninde habar túsken. Oqıǵa ornyna dereý jetken №1 memlekettik órt sóndirý bóliminiń qyzmetkerleri aýmaǵy 160 sharshy metrdi quraıtyn úıdiń mansardasy men garajy janyp jatqanyn anyqtady. Sondyqtan №2 jáne №8 órt sóndirý bólimderinen qosymsha tehnıka shaqyryldy.
Órttiń taralýy saǵat 09.55-te toqtatylyp, 11.35-te tolyqtaı sóndirildi.
Zardap shekkender joq.
Qazirgi kezde oqıǵanyń sebebi, keltirilgen shyǵyn anyqtalý ústinde.
Bıyl jyl basynan beri oblysta turǵyn úı sektorynda barlyǵy 302 órt tirkeldi. Saldarynan 3 adam qaza taýyp, 8-i túrli jaraqat aldy.
Eske sala keteıik, budan buryn BQO-da bir mezgilde 5 úıdiń aýlasy órtengenin jazǵan bolatynbyz.
