Oralda jeke úı órtendi
ORAL. QazAqparat - Oraldyń Jelaev kentinde jeke turǵan úı órtendi, dep habarlaıdy QazAqparat tilshisi.
Batys Qazaqstan oblystyq Tótenshe jaǵdaılar departamentiniń baspasóz qyzmetinen túsken málimetke qaraǵanda, Jelaev kentindegi úı 26 mamyr kúni saǵat túngi saǵat 22.33-te órtengen.
1-Verbovaıa kóshesindegi 39/1-úıdegi órt aýmaǵy 80 sharshy metrdi sharpyǵan.
Onda jeke quramnyń 11 órt sóndirýshisi 3 tehnıkamen bardy. Órt saǵat 23.10-da tolyq aýyzdyqtaldy.
Oqys oqıǵadan eshkim zardap shekken joq.
