Oralda jeke turǵyn úı órtendi
ORAL. QazAqparat – Oral qalasynda jeke turǵyn úı órtendi, dep habarlaıdy QazAqparat tilshisi.
BQO TJ departamentiniń baspasóz qyzmeti málim etkenindeı, oqıǵa 30 qańtar kúni Dáýletkereı kóshesi 133-mekenjaıynda boldy.
Saǵat 06.55-te turǵyn úıdiń janyp jatqany jóninde habar túsken.
Aýmaǵy 100 sharshy metr quraıtyn úıdiń tóbe jabyndary men shatyry otqa orandy.
Órtti sóndirýge 26 qyzmetker 7 tehnıkamen qatysty. Sonyń nátıjesinde «tilsiz jaý» saǵat 08.08-de aýyzdyqtaldy.
Qazirgi kezde órttiń shyǵý sebebi, kináli adamdar, keltirilgen shyǵyn anyqtalý ústinde.
Eske sala keteıik, budan buryn BQO-da órtengen turǵyn úıden 8 gaz ballony shyǵarylǵanyn jazǵan bolatynbyz.
