Oralda jeke kásipkerdi óltirýge «tapsyrys» bergen alaıaq ustaldy
ASTANA. 23 mamyr. QazAqparat - 50 jastaǵy jeke kásipkerdi «tapsyrys» boıynsha óltirmekshi bolǵan qylmysker ustaldy.
Bul týraly búgin ІІM-de ótken brıfıng barysynda vedomstvo baspasóz qyzmetiniń basshysy Nurdildá Oraz málim etti.
«Tapsyrys» berýshi JShS biriniń dırektory bolyp tabylady. Ol bunyń aldynda jábirlenýshiden alaıaqtyq jolmen 38 mln. teńgeden astam qarajaty men páterin ıelengen. Kúdikti alaıaqtyq is-áreketterin jasyrý úshin jáne qylmystyq jaýapkershilikten jaltarý maqsatynda kásipkerdi óltirýge «tapsyrys» bergen.
«Polıtsııaǵa aqparat túsisimen onyń «tapsyrysyn» oryndaýǵa jasyryn túrde krımınaldyq barlaý qyzmetiniń qyzmetkeri jiberildi. 14 mamyrda BQO jedel ýákilderi bul qylmystyń aldyn alý úshin kásipker urlanyp, óltirildi degen jalǵan aqparat tarataty da, kúdiktige «tapsyrys» oryndaldy dep habarlaıdy», - dep atap kórsetti N. Oraz.
Kásipker aram pıǵylyn oryndaý úshin «kisi óltirýshige» 20 myń AQSh dollaryn beremin dep ýáde etken jáne onymen baılanysqa shyǵyp otyrý úshin birneshe sim-karta qoldanǵan.
Qazirgi ýaqytta kisi óltirýge oqtalý faktisi boıynsha qylmystyq is qozǵalyp, jedel-tergeý is-sharalary ótkizilýde.
