Oralda jedel járdem stansasynda 34 júrgizýshi qysqartyldy
ORAL. QazAqparat - Oralda jedel járdem stansasynda 34 júrgizýshi qysqartyldy, dep habarlaıdy QazAqparat tilshisi.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, qaladaǵy barlyq emhanalarda jedel járdem qyzmeti ashyldy. Bul jaǵdaı osyǵan baılanysty oryn alyp otyr.
«Zań boıynsha júrgizýshilerdi jedel járdem stansasynan emhanaǵa tikeleı ala almaıdy. Sondyqtan jedel járdem stansasynan qysqartyp, ótemaqylaryn tóleıdi. Sodan keıin múmkindigine qaraı kópshiligin emhanalarǵa jumysqa alady», dedi A.Saqposynova.
Buryn jedel járdem stansasynda 48 brıgada bolsa, qazir 36 qaldy. Qalǵany emhanalardaǵy jedel járdem qyzmetimen qamtamasyz etiledi.
Aıta keteıik, qalada barlyǵy 320 myńdaı adam turady.
