Oralda jazasyn óteýshiniń anasynyń beıneshaǵymyna baılanysty tekserý júrgizilýde

ORAL. QazAqparat - Buqaralyq aqparat quraldarynda jarııalanǵan Á.Kóshekbaevanyń QR Prezıdenti atyna joldaǵan beıneshaǵymyna qatysty Oraldaǵy RÝ-170/2 mekemesinde tekserý júrgizilýde, dep habarlaıdy «QazAqparat» HAA tilshisi.

BQO prokýratýrasynyń baspasóz qyzmetinen túsken málimetke qaraǵanda, Á.Kóshekbaeva QR QK 179-baby 3-bólimi «v» tarmaǵyna sáıkes, ıaǵnı iri kólemdegi múlikti urlaý maqsatynda qaraqshylyq jasaǵany úshin jalpy tártiptegi túzetý mekemesinde 9 jyl jazasyn óteýge Taraz qalalyq №2 sotynyń 2014 jylǵy 8 qyrkúıektegi úkimimen sottalǵan uly, 1988 jylǵy Jeńis Kóshekbaevqa qatysty zańǵa qaıshy áreket jasaǵany úshin atalmysh kolonııa qyzmetkerlerin qylmystyq jaýapkershilikke tartýdy ótingen.

Osyǵan baılanysty oblys prokýrorynyń ókimimen shaǵymda kórsetilgen dáıekterdi tekseretin top quryldy. Qazirgi kezde oblys prokýratýrasynyń arnaıy prokýrorlary «Adam quqyqtary men zańdylyqtyń saqtalýy jónindegi qazaqstandyq halyqaralyq bıýro» fılıalynyń dırektory Pavel Kochetkovtyń qatysýymen sotqa deıingi tekserýdi júrgizýde.

Sotqa deıingi tergep-tekserý barysynda Á.Kóshekbaeva men onyń uly málimdegen barlyq dáıekter muqııat tekserilip, quqyqtyq baǵa beriletin bolady.