Oralda jazasyn óteýshiler qardan qalashyq jasady
ORAL. QazAqparat - Oral qalasyndaǵy qatań tártiptegi RÝ-170/3 mekemesinde jazasyn óteýshiler kolonııa aýlasynda qardan qalashyq jasady, dep habarlaıdy «QazAqparat» HAA tilshisi.
Atalmysh mekemedegi jasaq bastyǵy Azamat Zulqashevtiń aıtýynsha, qatań tártiptegi kolonııa Oralda ótken jyly ashyldy. Munda kúni búgin 400-den astam adam jazasyn ótep jatsa, sonyń kópshiligi - Batys Qazaqstan oblysynyń turǵyndary. Sonyń ishinde 100-den astamy jumyspen qamtylǵan.
Qar músinderin jasaý jóninde jazasyn óteýshilerdiń ózderi bastama kóterip, iske kirisken edi. Sóıtip olar Aıaz ata, aqqý, qoltyraýyndar, tipti EKSPO-2017 halyqaralyq kórmesine arnalǵan kıiz úıge deıin jasap shyǵardy.
«Men esirtki qylmysy boıynsha segiz jylǵa sottaldym. Qazirgi tańda sonyń tórt jylyn ótep úlgerdim. Jańa jyl qarsańynda qar músinderin jasap, aınaladaǵy adamdarǵa merekelik kóńil kúı syılaǵym keldi. Alty kún ýaqytym ketti. Barlyǵy qolda bar quraldarmen jasaldy», - dedi jazasyn óteýshilerdiń biri Evgenıı Kýdrın.
Aldaǵy ýaqytta jazasyn óteýshiler jańa týyndylar jasaýdy oılastyrýda.
