Oralda Jaıyq ózeni jaǵasynan er adamnyń múrdesi tabyldy
ORAL. QazAqparat – Oralda Jaıyq ózeni jaǵasynan er adamnyń múrdesi tabyldy, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, ol budan eki kún buryn joǵalyp ketken Almaz Atıhanov bolyp shyqty.
Jedel izdestirý sharalary barysynda marqumnyń múrdesi 21 qańtar kúni Jaıyq ózeni jaǵasynda «Batys Qazaqstan mashına jasaý kompanııasy» AQ mańynan tabyldy. Onyń denesinde zorlyq-zombylyq belgileri bolmaǵan.
Qazirgi kezde ólimniń sebebin anyqtaý úshin múrde sot-medıtsınalyq saraptamaǵa jiberildi.
Marqumnyń týystarynyń sózine qaraǵanda, 30 jastaǵy A.Atıhanov 19 qańtar kúni keshkisin dostarymen oıyqqa sýǵa túsemin dep ketken. Marqumnyń sońynda áıeli, úsh balasy qaldy.
Eske sala keteıik, budan buryn Oralda bazar mańynan er adamnyń múrdesi tabylǵanyn jazǵan bolatynbyz.
Illıýstratsııalyq foto: s1.1zoom.ru
