Oralda Jaıyq ózeninen ótetin kópir taǵy da jóndeýge jabylady

ASTANA. KAZINFORM – Oral qalasynda Jaıyq ózeninen ótetin kópir jóndeýge jabylady.

Oral qalasy ákimdiginen málim etkenindeı, Jaıyqtyń jaıylmasy (Peschannoe ózeni) arqyly ótetin kópirge Samara-Shymkent avtojolynda merdiger kompanııanyń kepildik mindettemeleri aıasynda jóndeý jumysyn júrgizý josparlanǵan. 

«Osyǵan baılanysty jumystardy júrgizý kezinde tehnıkalyq jáne jol qozǵalysy qaýipsizdigin qamtamasyz etý maqsatynda ákimshilik polıtsııanyń, «QazAvtoJol» UK» AQ kelisimimen bıylǵy 23 jáne 24 qarasha kúnderi saǵat 09.00-den 17.00-ge deıin atalmysh kópirdi ýaqytsha jabý týraly sheshim qabyldandy. Avtokólikter aınalma jol – Melovye gorkı aýyly mańyndaǵy kópir arqyly qatynaıtyn bolady», dep habarlady vedomstvodan. 

Bul kópirdiń birinshi ret jóndeýge jabylýy emes. 

Eske sala keteıik, budan buryn Oral qalasynda Jaıyq ózeninen ótetin kópir jabylatynyn jazǵan bolatynbyz.