Oralda Jaıyq ózeninen ótetin kópir kólik qozǵalysy úshin ashyldy
ORAL. KAZINFORM – Oral qalasynda halyqaralyq mańyzy bar Aqtóbe-Oral-RF shekarasy jolynyń 254-262 shaqyrymynda ornalasqan Jaıyq ózeninen ótetin kópir ortasha jóndeýden ótti.
«QazAvtoJol» UK» AQ BQO fılıalynyń dırektory Asylbek Mardannyń málim etkenindeı, búginnen bastap kópir kólik qozǵalysy úshin ashyldy. Onyń sózine qaraǵanda, deformatsııalanǵan jikter aýystyrylyp, jol jabyny jańartyldy.
– Joba quny – 1,2 mlrd teńge. Qazirgi tańda kópirde qosymsha jumystar atqarylyp jatyr. Atap aıtqanda, jol belgileri ornatylyp, jıekter abattandyrylýda, - dedi A.Mardan.
Atalmysh kópirdi jóndeý jumystary 17 tamyzda bastalyp, bastapqyda 1 tamyzǵa deıin jabý kózdelgen edi. Keıin ol 5 tamyzǵa deıin uzartyldy. Osyǵan deıin kólikter Melovye gorkı (Bortaý) jaǵyndaǵy aınalma jol arqyly qatynap keldi.
Eske sala keteıik, budan buryn Oralda Jaıyq ózenindegi kópir eki aptaǵa jabylatynyn jazǵan edik.
