Oralda jaıaý júrginshini kóligimen qaqqan júrgizýshi qashyp ketti
ORAL. QazAqparat - Oralda jaıaý júrginshini avtokóligimen qaqqan júrgizýshi qashyp ketken, dep habarlaıdy QazAqparat tilshisi.
Oral qalalyq polıtsııa basqarmasy jergilikti polıtsııa qyzmeti bóliminiń aǵa ınspektory, polıtsııa maıory Dınara Ábdilqalyqovanyń aıtýynsha, oqıǵa 18 qańtar kúni shamamen saǵat 02.30-da oryn aldy.
Belgisiz júrgizýshi avtokóligimen Ǵ.Qurmanǵalıev pen Orynbor kósheleriniń qıylysynda jaıaý júrginshini qaǵyp ketip, oqıǵa ornynan boı tasalaǵan.
Saldarynan 1955 jylǵy N. esimdi turǵyn oqıǵa ornynda kóz jumdy.
«Oqıǵa bolǵan kezde osy mańnan júrip ótken, beınetirkeýshisi bar júrgizýshilerdiń, barlyq kýágerlerdiń BQO polıtsııa departamenti jergilikti polıtsııa qyzmetine 102, 92-17-00, 92-17-44, 8 777-183-74-54, 8 701-849-85-64 telefondary boıynsha habarlasýyn suraımyz», dedi QazAqparat tilshisine D.Ábdilqalyqova.
