Oralda jaıaý júrginshi polıtsııa qyzmetkeri kóliginiń astynda qalyp, mert boldy
ORAL. 30 naýryz. QazAqparat - 29 naýryz kúni tańerteń Oral qalasynda Taımanov kóshesi boıyndaǵy «OralJanOıl» janar-jaǵar maı quıý stansasy tusynda memlekettik nómiri L 929 NRM «Aýdı A6» avtokóligi jaıaý júrginshini qaǵyp ketti.
Oblystyq ishki ister departamentiniń baspasóz qyzmetinen habarlaǵanyndaı, joldan tyıym salynǵan jerden ótpek bolǵan jaıaý júrginshi - 1962 jylǵy Ivan Zaprometov oqıǵa ornynda qaza boldy.
BQO ІІD qyzmetkerleriniń tekserýi barysynda avtokólikti Shyńǵyrlaý aýdandyq ishki ister bólimi jol polıtsııasy tobynyń aǵa memlekettik avtoınspektory, polıtsııa aǵa leıtenanty K.Aqjigitovtiń basqarǵany jáne ol onyń jeke avtokóligi ekeni anyqtaldy.
Polıtsııa qyzmetkerine qatysty Qazaqstan Respýblıkasy Qylmystyq kodeksiniń 296-baby 2-bólimi boıynsha qylmystyq is qozǵalyp, ol Qazaqstan Respýblıkasy Qylmystyq is júrgizý kodeksiniń 132-babyna sáıkes Oral qalalyq ishki ister basqarmasynyń ýaqytsha ustaý abaqtysyna qamaýǵa alyndy.
