Oralda jaýynger jalǵyz ózi 30-ǵa jýyq adamdy tasqynnan aman alyp shyqty
ORAL. KAZINFORM — Oral qalasynda 5517 áskerı bóliminiń qyzmetkeri Máýlen Marlenov sý tasqyny kezinde qıyn jaǵdaıǵa tap bolǵan turǵyndarǵa der kezinde kómekke keldi.
QR Ulttyq ulany «Batys» óńirlik qolbasshylyǵynyń baspasóz qyzmetinen málim etkendeı, Máýlen topan sýdyń ortasynda adamdar tıelgen júk kóliginiń batyp bara jatqanyn baıqaıdy.
Sodan keıin ony óz kóliginiń kúshimen tartyp shyǵaryp, 30-ǵa jýyq adamdy qaýipsiz jerge jetkizýge septigin tıgizdi.
«Bizge bekitilgen aımaqta turǵyndardy evakýatsııalaý jumystaryn atqaryp júrgenmin. Bir mezette 30-ǵa jýyq turǵyndy evakýatsııalaýǵa tyrysqan júk kóligi sý ortasynda batyp qalǵanyn kórdim. Kóp oılanbastan sol kólikti óz kóligime tirkep, qaýipsiz aımaqqa shyǵardym», - dedi M.Marlenov.
Qazirgi tańda Batys Qazaqstan oblysynda tasqyn sýmen kúreske Ulttyq ulannan 1 myńǵa jýyq sarbaz, 40 tehnıka jumyldyrylǵan.
Olar turǵyndardy evakýatsııalaýmen qatar ózen jaǵalaýynda bógetterdi bekitý jumystaryna atsalysýda.
Eske sala keteıik, budan buryn Jaıyq ózenindegi sý deńgeıi Oralda bir táýlikte 13 santımetrge kóterilgenin jazǵan edik.
Oral qalasy ákimdigi qaýipti aımaq turǵyndaryna kóshýge daıyn bolý kerektigin eskertti.
Oral túrmesinde sottalýshylar elimizdiń basqa óńirlerine kóshirildi.
