Oralda jattyqtyrýshylar men qyzmetkerlerden 123 mln teńge óndirýden bas tartyldy
ORAL. QazAqparat - Oral qalalyq №2 soty Batys Qazaqstan oblystyq dene shynyqtyrý jáne sport basqarmasynyń talap-aryzyn qarady, dep habarlaıdy QazAqparat tilshisi.
Basqarma basshysynyń orynbasary Jeńis Nyǵmetýllınniń aıtýynsha, osy mekemeniń burynǵy basshysy Músilim Ońdaǵanovtyń isi boıynsha kýágerlerden (jattyqtyrýshylar men basqa da qyzmetkerlerden, barlyǵy 28 adamnan) 123 mln teńge óndirý týraly talap-aryzdy sot qanaǵattandyrmady.
«Sot talap-aryz berý merzimi ótip ketkendikten jáne kýágerler kináli bolyp tabylmaǵandyqtan, osyndaı sheshimge keldi. Biz budan keıin apellıatsııalyq shaǵym bermeımiz, osymen toqtadyq», dedi «QazAqparat» tilshisine J.Nyǵmetýllın.
Eske sala keteıik, BQO burynǵy sport basqarmasy basshysynyń isi boıynsha kýágerlerden 123 mln teńge óndirý kózdelip otyrǵanyn biz budan buryn jazǵan bolatynbyz.
