Oralda jataqhanadaǵy órtten 45 adam evakýatsııalanyp, 5 adam aýrýhanaǵa jetkizildi
ORAL. QazAqparat – Oralda toǵyz qabatty jataqhanadaǵyórtten 45 adam evakýatsııalanyp, 5 adam aýrýhanaǵa jetkizildi, dep habarlaıdy QazAqparat tilshisi.
BQO TJ departamenti memlekettik órt baqylaý basqarmasynyń aǵa ınjeneri Saǵdat Ánestiń málim etkenindeı, oqıǵa 27 jeltoqsan kúni shamamen saǵat 17.18-de Qurmanǵazy kóshesi 165-mekenjaıynda boldy.
Toǵyz qabatty jataqhanada aýmaǵy 20 sharshy metrdi qamtyǵan №62 bólme janyp ketti.
«Tilsiz jaý» 17.47-de oqshaýlanyp, 18.26-da aýyzdyqtaldy.
Órt ornynan úsh adam qutqaryldy. Onyń ekeýi qutqarý arqanymen, bireýi satymen túsirildi. 45 adam qaýipsiz jerge shyǵarylsa, sonyń 18-i – balalar.
Gazdan ýlandy degen kúdikpen 9 adam oqıǵa ornynda qaraldy. Sonyń beseýi aýrýhanaǵa jatqyzylsa, onyń ishinde ekeýi - bala.
Qazirgi kezde órttiń shyǵý sebebi anyqtalý ústinde.
Órtti sóndirýge departamenttiń jeke quramy (31 adam, 10 tehnıka) jumyldyryldy. Polıtsııa departamentinen 15 qyzmetker, 5 tehnıka jetti.
Eske sala keteıik, budan buryn Batys Qazaqstanda shetel azamaty júk kóligimen trassada qalyp qoıǵanyn, aýa raıynyń nasharlaýyna baılanysty jol jabylǵanyn jazǵan
bolatynbyz.
Sondaı-aq búgin taǵy bir jol jabyldy.
