Oralda jataqhanada órt bolyp, 95 adam qaýipsiz jerge shyǵaryldy
ORAL. QazAqparat - Oralda jataqhanadaǵy órt kezinde 95 adam qaýipsiz jerge shyǵaryldy, dep habarlaıdy QazAqparat tilshisi.
BQO TJ departamenti órt sóndirý jáne avarııalyq-qutqarý qyzmetiniń baspasóz hatshysy Araılym Ǵanıdyń aıtýynsha, H.Chýrın kóshesi 119-mekenjaıynda №89A bólmedegi órt jóninde habar 20 qarasha kúni saǵat 19.40-ta túsken.
Oqıǵa ornyna №2 órt sóndirý bóliminen 5 tehnıkamen 12 adam shuǵyl jetken.
Bes qabatty jataqhananyń besinshi qabatyndaǵy bólmede teledıdar órtenip, jarylǵan.
Órt sóndirýshilerdiń jedel qımyly nátıjesinde 1 adam qutqaryldy. Jataqhanadan 95 adam shyǵarylsa, sonyń 25-i - balalar.
«Tilsiz jaý» tez aýyzdyqtalyp, jalynnyń kórshi bólmege taralýyna jol berilgen joq.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń naqtylaýynsha, órt sóndirýshiler saǵat 19.56-da jedel járdem shaqyrǵan. Brıgada 20.02-de jetken. Jeńil túrde gazben ýlanǵan 1952 jylǵy er adam qalalyq aýrýhanaǵa jetkizildi.
