Oralda jastar jappaı tóbelesti

ORAL. QazAqparat – Oralda jastardyń top bolyp tóbeleskeni túsip qalǵan vıdeo áleýmettik jeli arqyly tarap ketti, dep habarlaıdy QazAqparat tilshisi.

Vıdeodan jastardyń jappaı jaǵalasyp jatqany, bireýiniń jerge qulap, keıbireýleriniń qashyp ketkeni anyq kórinedi.

BQO polıtsııa departamentiniń baspasóz qyzmeti málim etkenindeı, oqıǵa 3 qyrkúıek kúni shamamen saǵat 21.40-ta Jáńgir han kóshesi boıynda boldy.

Polıtsııa qyzmetkerleri oqıǵaǵa qatysy bar adamdardyń bárin de anyqtady. Olar istiń mán-jaıyn tolyq bilý úshin Shaǵan polıtsııa bólimine jetkizildi.

Qazirgi kezde QR QK 293-baby 1-bóligine (buzaqylyq) sáıkes sotqa deıingi tergeý amaldary júrgizilýde.

Eske sala keteıik, budan buryn BQO-da tok soqqan 36 jastaǵy er adamnyń mert bolǵanyn, sondaı-aq Oralda kisi óltirgen kúdiktiniń izdestirilip jatqanyn jazǵan edik.