Oralda jastar tóbelesip, bireýi kóz jumdy
ORAL. QazAqparat - Oralda jastar tóbelesip, bireýi qaza tapty, dep habarlaıdy QazAqparat tilshisi.
BQO polıtsııa departamentiniń resmı ókili Bolatbek Belgibekovtiń málim etkenindeı, oqıǵa túnde H.Dospanova kóshesi 58 A-mekenjaıynda ornalasqan úıdiń kireberisinde boldy.
Shamamen túngi saǵat 00.02-de «102» telefonyna habar túsken.
Polıtsııa qyzmetkerleri oqıǵa ornyna jetkennen soń turmystyq jaǵdaıda araq ishýden keıin belgisiz adamnyń Terekti aýdanynyń 23 jastaǵy turǵynyna kóptegen pyshaq jaraqatyn salǵany anyqtaldy. Sonyń saldarynan jas jigit oqıǵa ornynda kóz jumdy.
Jedel izdestirý is-sharalary nátıjesinde asa aýyr qylmysty jasaǵan Oral qalasynyń 27 jastaǵy turǵyny ustaldy. Ol budan buryn da birneshe ret buzaqylyǵy úshin jaýapkershilikke tartylǵan. Polıtsııanyń nazaryna 2015 jyldan beri iligip, qoǵamdyq orynda araq ishkeni úshin de ákimshilik jazany ótegen.
Onyń is-áreketinen taǵy eki jas jigit zardap shegip, oblystyq kópbeıindi aýrýhanaǵa jatqyzyldy.
Qazirgi kezde Abaı polıtsııa bólimi QR QK 99-baby 1-bóligine (adam óltirý) sáıkes sotqa deıingi tergeý amaldaryn júrgizýde.
Oblystyq densaýlyq saqtaý basqarmasynyń baspasóz qyzmeti naqtylaǵanyndaı, jedel járdem saǵat 00.17-de shaqyrylyp, tórt brıgada bardy. Bir adam jedel járdem kelgenge deıin mert boldy. 30 jáne 23 jastaǵy jigitter pyshaq jaraqatynan zardap shekti. 20 jastaǵy taǵy bir jigit eki kózinen hımııalyq kúıik jaraqatyn alǵan.
