Oralda jastar tóbelesinen keıin taǵy 1 adam kóz jumdy
ORAL. QazAqparat – Oralda jastar tóbelesinen keıin taǵy bir adam kóz jumdy, dep habarlaıdy QazAqparat tilshisi.
Budan buryn jazǵanymyzdaı , 6 aqpan kúni jastar tóbelesip, bireýi qaza tapqan bolatyn.
Taǵy eki adam oblystyq aýrýhanaǵa jatqyzylǵan edi.
BQO polıtsııa departamentiniń resmı ókili Bolatbek Belgibekovtiń málim etkenindeı, sonyń biri, 1988 jylǵy turǵyn keshe aýrýhanada qaıtys boldy.
«Bastapqyda oqıǵa boıynsha QR QK 99-baby 1-bóligine (adam óltirý) sáıkes qylmystyq is qozǵalǵan bolatyn. Endi ol qaıta dárejelenip, QR QK 99-baby 2-bóligine (eki nemese odan kóp adamdy óltirý) sáıkes tergeý amaldary júrgizilýde», dedi QazAqparat tilshisine B.Belgibekov.
