Oralda jasóspirim soqqyǵa jyǵyldy: mektep dırektory qyzmetinen bosatyldy

ORAL. KAZINFORM – Budan buryn jazǵanymyzdaı, Oral qalasynda jasóspirimdi qatarlastary uryp-soqqan bolatyn.

Oral qalasy bilim berý bóliminiń naqtylaýynsha, № 17 orta mektepte atalǵan jasóspirimge qatysty osy oqıǵaǵa deıin býllıng, psıhologııalyq jáne basqa qysym kórsetý derekteri tirkelmegen.

Alaıda ótken jylǵy qazan aıynda jasóspirimniń soqqyǵa jyǵylǵany belgili boldy.

- Atalǵan oqıǵa týraly mektep ákimshiligi bilim berý bóliminiń qaperine ýaqytyly jetkizbegen. Oral qalasy bilim berý bóliminiń buıryǵymen mektep dırektory Marat Zaınýllıev qyzmetinen bosatyldy. Kámeletke tolmaǵandardyń quqyqqa qarsy áreketteri úshin olardyń zańdy ókilderi QR Ákimshilik quqyq buzýshylyq týraly kodeksiniń 435-babyna sáıkes ákimshilik jaýapkershilikke tartyldy, - dep habarlady vedomstvodan.

Eske sala keteıik, budan buryn Oralda jasóspirimdi uryp-soǵý deregi boıynsha qylmystyq is qozǵalǵanyn jazǵan edik.