Oralda jasóspirimniń ólimi boıynsha 14 jastaǵy bala ustaldy

ORAL. QazAqparat – Oral qalasynda jasóspirimniń ólimi boıynsha kúdikti ustaldy, dep habarlaıdy QazAqparat tilshisi.

BQO Polıtsııa departamenti baspasóz qyzmetinen túsken málimetke qaraǵanda, oqıǵa 28 mamyr kúnge qaraǵan túni boldy.

«Saǵat 01.28-de 2007 jyly týǵan jasóspirim oblystyq kópbeıindi balalar aýrýhanasyna jetkizildi. Biraq ol esin jımastan, jansaqtaý bóliminde kóz jumdy. Bul derek Sotqa deıingi tergep-tekserýdiń biryńǵaı tiziliminde tirkeldi.

Osy quqyq buzýshylyqty jasady degen kúdikpen 2008 jyly týǵan jasóspirim qolǵa tústi. Atalmysh derek boıynsha saraptama taǵaıyndalyp, sotqa deıingi tergeý amaldary júrgizilip jatyr.

Basqa aqparat QR Qylmystyq is júrgizý kodeksiniń 201-babyna sáıkes jarııalaýǵa jatpaıdy», - dep habarlady vedomstvodan.