Oralda jasóspirimder arasynda velosıped sportynan el birinshiligi ótýde
ORAL. QazAqparat - Oral qalasynda jasóspirimder arasynda velosıped sportynan Qazaqstan birinshiligi ótýde, dep habarlaıdy «QazAqparat» tilshisi.
BQO dene shynyqtyrý jáne sport basqarmasynan túsken málimetke qaraǵanda, elimiz táýelsizdik alǵannan bergi kezeńde mundaı deńgeıdegi chempıonat Oralda alǵash ret uıymdastyrylyp otyr. Bul Batys Qazaqstanda velosıped sportynyń qarqyndy damýyna septesetin bolady.
P.Atoıan atyndaǵy stadıonda saltanatty túrde ashylǵan jarysqa Qazaqstan óńirleri men qalalarynan jasóspirimder arasyndaǵy eń myqty sportshylar keldi. Olar jekeleı jáne komandalyq synda, toptyq jáne aınalmaly básekede synǵa túsedi.
Velosıped sportynan Qazaqstan memlekettik jattyqtyrýshysy Jetes Súleımenovtiń sózine qaraǵanda, bes kúnge sozylatyn birinshilik qorytyndysyna sáıkes ulttyq qurama jasaqtalady. Olar aldaǵy ýaqytta Azııa jáne álem chempıonattarynda el namysyn qorǵaıdy.
