Oralda jasóspirim qyzǵa zorlyq-zombylyq deregi boıynsha tergeý bastaldy
Oral qalalyq Polıtsııa basqarmasy bastyǵynyń tergeý isi jónindegi orynbasary mindetin atqarýshy Nurlan Qojahmetov brıfıngide atap ótkendeı, qyzdyń anasynyń aryzy boıynsha 8 qazan kúni QR QK 121-baby 3-1-bóligine (seksýaldyq sıpattaǵy zorlyq-zombylyq áreketteri) sáıkes qylmystyq is qozǵaldy.
Onyń aıtýynsha, qylmystyq is kámeletke tolmaǵan jasóspirimge qatysty bolǵandyqtan, sondaı-aq QR Qylmystyq júrgizý kodeksiniń 201-babynyń talaptaryna sáıkes basqa aqparat jarııa etilmeıdi.
«Mundaı sıpattaǵy qylmystar departament bastyǵynyń, sondaı-aq mınıstrliktiń erekshe baqylaýynda. Qazirgi kezde tergeý amaldary júrgizilýde. Saraptamalar taǵaıyndalyp, zerdelenedi. Sonyń ishinde jasóspirim qyzǵa jáne kúdiktige qatysty sot-psıhıatrııalyq saraptamalar taǵaıyndalatyn bolady. Barlyq tergeý amaldary men saraptamalardyń qorytyndysyna sáıkes qylmystyq is boıynsha sheshim qabyldanady», - dedi N.Qojahmetov.
Onyń sózine qaraǵanda, bul bap boıynsha aıypty dep tanylǵan adam 17 jylǵa deıin nemese ómir boıyna bas bostandyǵynan aıyrylady.
