Oralda jasóspirim qyzdar arasynda voleıboldan halyqaralyq týrnır márege jetti
ORAL. QazAqparat - Oralda 2004-2005 jylǵy jasóspirim qyzdar arasynda voleıboldan «Eýro-Azııa 2019» halyqaralyq týrnıri márege jetti, dep habarlaıdy QazAqparat tilshisi.
Osymen jetinshi ret uıymdastyrylǵan dástúrli jarysqa barlyǵy segiz komanda (100-den astam voleıbolshy) qatysyp, baq synady. Bes kúnge sozylǵan jarys barysynda Tatarstannyń Naberejnye Chelny qalasy, Ózbekstannyń Horezm oblysymen qatar Qazaqstannan Temirtaý, Shymkent, Aqtóbe, Oral shaharlary men Túrkistan, BQO komandalary óner kórsetti.
Týrnır qorytyndysynda Oraldyń «Gratsııa-KZ» komandasy jeńimpaz atandy. Temirtaýlyqtar - ekinshi, Horezm oblysy ókilderi - úshinshi orynǵa ıe boldy.
Jekelegen voleıbolshylar arasynda «Gratsııa-KZ» komandasynan Araılym Sabyrova týrnırdiń úzdik tosqaýyl qoıýshysy, Dıana Saparǵalıeva úzdik baılanystyrýshysy, Karına Tólegenova úzdik lıberosy, al Valerııa Golovanova jarystyń eń úzdik oıynshysy atandy.
BQO (Aqsaı) komandasynan Dıana Kenjenova, horezmdikterden Nılzıfor Mahmýdova, Temirtaýdan Vlada Grıshına, Shymkentten Aıaýlym Begmatova, Aqtóbeden Aqerke Bısekenova, Naberejnye Chelnydan Evelına Valıýlıýllına, Túrkistannan Aqbota Pernahan úzdik dep tanyldy.
