Oralda jasóspirim qyz besinshi qabattyń terezesinen qulap ketti
NUR-SULTAN. QazAqparat – Oralda jasóspirim qyz besinshi qabattyń terezesinen qulap ketti, dep habarlaıdy QazAqparat tilshisi.
Oqıǵa búgin tańmen «Qurylysshy» shaǵynaýdanyndaǵy 9 qabatty úıde boldy.
BQO polıtsııa departamentiniń baspasóz qyzmeti málim etkendeı, 2004 jylǵy qyz besinshi qabattyń terezesinen kireberistiń ústine qulaǵan.
Bul derek jazataıym oqıǵa retinde tirkeldi, qyz qazir aýrýhanada.
Oblystyq densaýlyq saqtaý basqarmasynyń naqtylaýynsha, jedel járdem saǵat 04.16-da shaqyryldy.
Aldyn ala málimetke qaraǵanda, jasóspirim jabyq bas-mı jaraqatyn alǵan. Іshi, keýde tusy zaqymdanǵan.
Kóptegen qabyrǵalary, jilinshigi synǵan. Mas kúıinde bolǵan qyz oblystyq balalar aýrýhanasyna jatqyzyldy.
Eske sala keteıik, budan buryn Oralda joǵalyp ketken 15 jastaǵy qyzdyń aman-esen tabylǵanyn jazǵan bolatynbyz.
