Oralda jasóspirim Derkól ózenine batyp ketti
ORAL. QazAqparat – Oralda jasóspirim Derkól ózenine batyp ketti, dep habarlaıdy QazAqparat tilshisi.
BQO TJ departamenti órt sóndirý jáne apattyq-qutqarý jumystary qyzmeti jedel qutqarý jasaǵy súńgýir-qutqarý bólimshesiniń basshysy Alekseı Eremeevtiń málim etkenindeı, oqıǵa 20 maýsym kúni keshkisin qalaǵa qarasty Derkól aýylynda boldy.
Saǵat 18.40-ta 2007 jylǵy er balanyń batyp ketkeni jóninde habar túsken. Onyń denesi sýdan shyǵaryldy.
Qazirgi kezde oqıǵanyń jaı-japsary anyqtalý ústinde.
Jyl basynan beri munyń aldynda úsh adam sýǵa ketken bolatyn. 29 aqpan kúni balyqshy qaza tapsa, 5 maýsym kúni Terekti aýdany Podstepnyı aýylynda 1995 jylǵy jigit Barbastaý ózeninen shyqpaı qaldy. Sondaı-aq 10 maýsym kúni Aqjaıyq aýdany Býdarın aýylynda 10 jasar qyz bala kanalǵa batyp ketti.
«Bul resmı tirkelgenderi ǵana. Basqa sýǵa ketý oqıǵalary boıynsha ólimniń sebepteri anyqtalýda. ıAǵnı sot-medıtsınalyq saraptamalar taǵaıyndalyp, tergeý amaldary júrgizilýde», dedi QazAqparat tilshisine A.Eremeev.
Eske sala keteıik, budan buryn BQO-da 22 jastaǵy jigittiń kólikpen ózenge batyp ketkenin jazǵan bolatynbyz.
