Oralda jasóspirim avtokólik rýline otyrǵan
ORAL. QazAqparat - Batys Qazaqstan oblysynda jol apattarynyń jıileýine baılanysty 2 aqpannan bastap "Qaýipsiz jol" jedel aldyn alý sharalary qolǵa alyndy, dep habarlaıdy QazAqparat tilshisi.
BQO ІІD jergilikti polıtsııa qyzmetinen túsken málimetke qaraǵanda, alǵashqy kúni-aq 156 quqyqbuzýshylyq tirkelgen. Sonyń ishinde 75 júrgizýshi jyldamdyqty arttyrǵany úshin toqtatylǵan. 5 adam rýlge mas kúıinde otyrǵan. 10 kólik aıyp turaǵyna qoıyldy.
Oralda saǵat 04.30-da Eýrazııa dańǵyly men Almazov kóshesiniń qıylysynda "Mersedes" kóligin 2004 jylǵy M. degen jasóspirimniń aıdap kele jatqany anyqtaldy. Avtokólik aıyp turaǵyna qoıylyp, jasóspirimniń ata-anasy ákimshilik jaýapkershilikke tartyldy.
Aıta keteıik, jyl basynan óńirde osyndaı 8 myńnan astam quqyqbuzýshylyq tirkelgen. Sonyń ishinde 2 myńnan astam júrgizýshi jyldamdyqty arttyrsa, 156-sy rýlge mas kúıinde otyrǵany úshin jaýapqa tartyldy.
