Oralda jasandy muz aıdynynyń qurylys jumystary aıaqtaldy
ORAL. QazAqparat - Búgin oblys ákimi Altaı Kólginov «Jastar» stadıonynda jasandy muz aıdyny qurylysymen barysymen tanysty, dep habarlaıdy «QazAqparat» tilshisi.
Qazirgi tańda stadıonda qurylys jumystary aıaqtalyp, abattandyrý ǵana qalǵan.
Muzdatqysh jabdyqtary, sý daıyndaý, quıý júıesi tolyqtaı ornatylǵan. Mundaǵy quıylǵan muz kún 10 gradýsqa deıin jylynǵanda da erimeıdi. Sondyqtan dopty hokkeı sheberleriniń qys óz aldyna, kóktem men kúz mezgilinde de barynsha uzaq daıyndalýyna, kezdesýler ótkizýine múmkindik beredi.
Sonymen qatar stadıon muz aıdynyn tegisteıtin sońǵy úlgidegi tehnıkalarmen, qardan tazartatyn mashınalarmen jabdyqtalǵan.
Aıta keteıik, jasandy muz aıdyny «QPO b.v.» kompanııasynyń qarjysyna salyndy. Bul Qazaqstandaǵy dopty hokkeıge arnalǵan alǵashqy jasandy muz aıdyny bolmaq. Qazirgi kezde dopty hokkeıden joǵary lıga komandalary arasynda búkilreseılik jarysta óner kórsetetin Oraldyń «Aqjaıyǵy» óz oıyndaryn ýaqytsha «Stenovık» stadıonynda ótkizýde. Jasandy muz aıdyny iske qosylǵannan keıin munda dopty hokkeıden Qazaqstan quramasy da jattyǵa alady.
