Oralda jas júrgizýshi «Toıotamen» áıeldi qaǵyp ketti
ORAL. QazAqparat – Oralda jas júrgizýshi atvokóligimen áıeldi qaǵyp ketti, dep habarlaıdy QazAqparat tilshisi.
Batys Qazaqstan oblystyq polıtsııa departamentiniń baspasóz qyzmetinen túsken málimetke qaraǵanda, oqıǵa 28 qańtar kúni saǵat 02.51 shamasynda boldy.
1996 jylǵy júrgizýshi «Toyota Land Cruiser 200» avtokóligimen Qurmanǵazy men N.Savıchev kósheleriniń qıylysynda belgilenbegen jerden ótip bara jatqan 1984 jylǵy áıeldi qaǵyp ketti.
Oqıǵa saldarynan jaıaý júrginshi jedel járdem kelgenge deıin kóz jumdy.
Avtokólik arnaıy turaqqa qoıyldy.
Medıtsınalyq kýálandyrý boıynsha júrgizýshi ishimdik ishpegen.
Atalǵan derek boıynsha QR QK 345-baby 3-bóligine sáıkes tergeý amaldary júrgizilýde.
