Oralda jas jigitti óltirgen kúdikti ustaldy
ORAL. QazAqparat - Oralda 21 jastaǵy jigitti óltirgen kúdikti ustaldy, dep habarlaıdy QazAqparat tilshisi.
Batys Qazaqstan oblystyq Іshki ister departamentiniń baspasóz qyzmetinen túsken málimetke qaraǵanda, 12 maýsym kúni saǵat 05.00-de Eýrazııa dańǵyly 60-úıdiń janynan zorlyq belgilerimen óltirilgen 1997 jylǵy E. degen turǵynnyń múrdesi tabyldy.
Jedel izdestirý sharalary barysynda osy qylmysty jasady degen kúdikpen 2000 jylǵy Z. qolǵa túsip, Oral qalalyq Іshki ister basqarmasynyń ýaqytsha oqshaýlaý ızolıatoryna qamaldy.
Qazirgi kezde Abaı polıtsııa bólimi QR QK 99-baby 1-bóligine sáıkes (kisi óltirý) sotqa deıingi tergeý amaldaryn júrgizýde.
