Oralda jas jigit 21 kúnnen beri tabylmaı jatyr

ORAL. KAZINFORM - Oral qalasynda iz-túzsiz joǵalyp ketken 22 jastaǵy jigit izdestirilip jatyr.

BQO polıtsııa departamentiniń baspasóz qyzmetinen málim etkenindeı, Almas Muqanov 30 qyrkúıek kúni Q.Amanjolov kóshesindegi úıinen shyǵyp ketkennen oralmaǵan.
Polıtsııaǵa jigittiń apasy 14 qazan kúni júgingen.

"Qazirgi kezde A.Muqanovty izdestirýge búkil jeke quramǵa baǵyt berildi. Onyń mekenjaıyn anyqtaý maqsatynda jedel izdestirý is-sharalary júrgizilýde. Joǵalǵan adam týraly aqparat bilgender 102 telefonyna habarlasýy suralady. Belgileri: azıat pishindes, boıy 170-175 sm, tolyq deneli, shashy qara, qysqa, qulaǵy qalqıǵan, murny úlken, kózi qysyńqy kelgen. Qara tústi jeńil kıim, kók djınsy, qara krossovka, sur baskıim kıgen",  - dep habarlady vedomstvodan.

Eske sala keteıik, budan buryn Oralda bir kúnde eki jol apatynan 1 adam qaza taýyp, 6 adam jaraqat alǵanyn jazǵan bolatynbyz.