Oralda jas órt sóndirýshiler ant berip, órtke qarsy qyzmet jańa avtokóliktermen tolyqty

ORAL. QazAqparat - QR Táýelsizdiginiń 25 jyldyǵy aıasynda Oraldaǵy Jeńis alańynda azamattyq qorǵaý ardagerleri, órt sóndirý bólimsheleriniń ujymdary, órt sóndirý jáne apattyq-qutqarý qyzmetiniń basshylary bas qosty.

Onda jas órt sóndirýshiler saltanatty túrde ant qabyldady, dep habarlaıdy QazAqparat tilshisi.

BQO TJ departamenti órt sóndirý jáne apattyq-qutqarý qyzmetiniń bastyǵy, azamattyq qorǵaý podpolkovnıgi Rashıd Blıalov jeke quram men meımandardy elimizdegi eń ulyq meırammen quttyqtap, sala qyzmetkerleriniń tótenshe jaǵdaılardy boldyrmaý jáne zardaptaryn joıýdaǵy janqııarlyq eńbegin atap kórsetti. Departament ardagerler uıymy tóraǵasynyń orynbasary Lıýdmıla Bızıanova jas qyzmetkerlerge aq jol tiledi.

 

TJ departamentinen túsken málimetke qaraǵanda, osyndaı merekeli kúni BQO órtke qarsy qyzmet garnızony jádel áreket etý avtokóligimen jáne KamAZ 5350 shassıindegi ATs-5 órt sóndirý kóligimen tolyqty. QR ІІM Tótenshe jaǵdaılar komıteti arqyly kelgen bul eki arnaıy kóliktiń jalpy quny 59 mln. teńge turady.