Oralda jas qyz aspaly kópirden sekirip ketti
ORAL. QazAqparat – Oralda jas qyz jaıaý adamdar júretin aspaly kópirden sekirip ketti, dep habarlaıdy QazAqparat tilshisi.
BQO TJ departamentiniń baspasóz qyzmeti málim etkenindeı, oqıǵa 5 mamyr kúni keshkisin qalalyq mádenıet jáne demalys saıabaǵyndaǵy aspaly kópirde boldy.
Kópirden sekirip ketken qyzdy jedel qutqarý jasaǵy jetkenshe, sol mańda katamaranmen júrgen eki jigit sýdan alyp shyǵyp, qutqaryp qalǵan.
BQO TJ departamenti adam ómiri bárinen qymbat ekendigin, ózen-sýlarda saq bolý kerektigin eske salady.
BQO densaýlyq saqtaý basqarmasynyń naqtylaýynsha, jedel járdem saǵat 19.07-de shaqyryldy.
Aldyn ala málimetke qaraǵanda, mıy shaıqalyp, ishten jabyq jaraqat aldy degen kúdikpen qyz oblystyq kópbeıindi aýrýhananyń hırýrgııalyq bólimshesine jetkizildi.
Qazirgi kezde oqıǵanyń jaı-japsary anyqtalý ústinde.
Eske sala keteıik, budan buryn Oralda tok soǵyp kóz jumǵan 6 jasar qyzdyń ólimine baılanysty qylmystyq is qozǵalǵanyn jazǵan bolatynbyz.
