Oralda jas qyz kópirden Jaıyq ózenine sekirip ketti

ORAL. KAZINFORM - Oral qalasynda qutqarýshylar kópirden Jaıyq ózenine sekirip ketken qyzdy aman alyp qaldy.

BQO TJD baspasóz qyzmetinen málim etkenindeı, oqıǵa 11 mamyr kúni keshkisin saǵat 21.34-te jylý-qýat ortalyǵy aýdanynda Jaıyq ózeninen ótetin, Samara-Shymkent joly boıyndaǵy kópirde boldy.

- Osy tustan ótip bara jatqan qutqarýshylar Mars Moldaǵalıev pen Denıs Daşenko kópirden sekirgen qyzdy kórip qalǵan. Sodan keıin aǵash butalarynyń kómegimen sýdan shyǵaryp alǵan. Departament bastyǵynyń mindetin ýaqytsha atqarýshy Janbolat Janshın oqys oqıǵa kezinde batyldyq tanytqan qutqarýshylarǵa rızashylyǵyn bildirip, alǵyshat tabys etti, - dep habarlady vedomstvodan.

Eske sala keteıik, Oralda órtengen garaj ornynan er adamnyń múrdesi tabylǵanyn jazǵan bolatynbyz.