Oralda jappaı tóbelesten bir adam kóz jumdy
ORAL. QazAqparat – Oralda jappaı tóbeles bolyp, bir adam qaza tapty, dep habarlaıdy QazAqparat tilshisi.
BQO Polıtsııa departamentiniń baspasóz qyzmetinen túsken málimetke qaraǵanda, oqıǵa 24 tamyz kúni túnde «Vıktorııa» qonaqúıi janynda bolǵan.
Er adamdardyń eki toby jol boıynda ishimdik iship turǵan. Olardyń birinde 19 jastaǵy – eki, 21 jastaǵy bir jigit bolǵan. Ekinshi eresekteý topta kúdikti retinde qamaýǵa alynǵan 32 jastaǵy er adam bolǵan.
«Sol mańnan beıtanys qyz ótip bara jatqan. Oǵan birinshi top tıiskende, qyz kómek suraǵan. Ony ekinshi toptaǵy er adamdar arashalamaq bolǵan. Biraq olardyń kúshi azdyq etken soń, «KIA Rio» avtokóligine otyryp, boı tasalaýǵa tyrysqan. Sol kezde birinshi toptaǵy 19 jastaǵy jigit mashınanyń kapotyna sekirip, soǵylyp, kóliktiń astyna túsken. Sodan kóz jumdy. Qazirgi kezde 32 jastaǵy kúdikti ustaldy. Avtokólik aıyp turaǵyna qoıyldy. QR QK 345-baby 3-bóligine sáıkes (abaısyzda adam ólimine soqtyrǵan jol erejesin buzý) tergeý amaldary júrgizilýde», - dep habarlady departamenttiń baspasóz qyzmetinen.
