Oralda jappaı tóbeles bolyp, bes adam polıtsııaǵa jetkizildi
ORAL. QazAqparat - Oralda top bolyp tóbelesken bes adam polıtsııaǵa jetkizildi, dep habarlaıdy QazAqparat tilshisi.
BQO polıtsııa departamenti baspasóz qyzmetinen túsken málimetke qaraǵanda, oqıǵa 27 maýsymda saǵat 16.50-de boldy.
Avtobýstan qala ortalyǵyndaǵy ámbebap dúkeni aıaldamasynan túsken adamdar tóbelesip qalǵan.
Bes adam Abaı polıtsııa bólimine jetkizildi. Sonyń ishinde ekeýi mas kúıinde ýaqytsha beıimdeý jáne detoksıkatsııa ortalyǵyna ornalastyryldy.
Qazirgi kezde oqıǵanyń mán-jaıy anyqtalyp jatyr. Quqyq buzýshylardy ákimshilik jaýapkershilikke tartý qarastyrylýda.
Eske sala keteıik, budan buryn Oralda aýrýhanada jatqan 65 jastaǵy er adamnyń úshinshi qabattan sekirip , kóz jumǵanyn jazǵan bolatynbyz.
