Oralda jappaı kásipkerlikti damytý baǵytynda 294,7 mln astam teńge bólindi
ORAL. QazAqparat - Oral qalasynda Elbasy tapsyrmasyna sáıkes júzege asyrylyp jatqan Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan baǵdarlamasynyń ekinshi baǵyty: jappaı kásipkerlikti damytý boıynsha bıyl 76 adamǵa shaǵyn nesıe jáne nesıe berý úshin 294,730 mln teńge bólindi, dep habarlaıdy «QazAqparat» tilshisi.
Oral qalasy halyqty jumyspen qamtý ortalyǵynan túsken málimetke qaraǵanda, kúni búgin 34 úmitkerge 294 mln teńge alýǵa joldama berilse, sonyń ekeýi 15,830 myń teńge nesıe qarajatyn rásimdedi. 34 úmitkerdiń 31-i jeke kásipker, úsheýi jumyssyz azamattar bolyp otyr. Nesıe qarajatyna suranys bergen azamattarǵa ekinshi deńgeıli bankterge joldama berý jumystary jalǵasýda.
Oblystyq máslıhattyń 2017 jyldyń 27 qyrkúıegindegi №13-1 sheshimine sáıkes qosymsha 558 myń teńge qaraldy.
Baǵdarlamanyń «Baǵdarlamaǵa qatysýshylardy tehnıkalyq, kásiptik bilimmen jáne qysqa merzimdi kásiptik oqýmen qamtamasyz etý» birinshi baǵyty boıynsha bıylǵy 1 qyrkúıekten bastap Oral qalasy bilim berý bólimi tehnıkalyq jáne kásiptik bilim alý úshin 374 jasqa joldama berdi. Ol jumystardy uıymdastyrý úshin qalalyq bilim berý bólimi arqyly jedel toptar qurylyp, joǵary oqý oryndaryna túspeı qalǵan, 9 jáne 11-synyp oqýshylary arasynan nıet bildirgenderdiń tizimi jasaldy. Eńbek naryǵynda suranysqa ıe kásipter boıynsha 976 adamdy qysqa merzimdi kásiptik oqytýmen qamtamasyz etý josparlanýda. Ol úshin memlekettik bıýdjet tarapynan 134,682 mln teńge berilip, josparlanǵan 42,170 mln teńge tolyq ıgerildi.
Eńbek naryǵynda suranysqa ıe mamandyqtar boıynsha qysqa merzimdi kásiptik oqytýmen 976 adamdy qamtý kózdelse, toǵyz aıda 623 adam joldandy nemese jospar 63,83 paıyzǵa oryndaldy.
Baǵdarlamanyń «Halyqty jumyspen qamtýǵa járdemdesý jáne eńbek resýrstarynyń utqyrlyǵy arqyly eńbek naryǵyn damytý» úshinshi baǵyty boıynsha áleýmettik jumys oryndaryn ashýǵa barlyǵy 50 adamǵa 8,450 mln teńge bólindi. Toǵyz aıda 4,968 mln teńge ıgerilip, 62 adam joldandy.
Jastar tájirıbesin uıymdastyrýǵa barlyǵy 265 adamǵa 21,957 mln teńge qarastyrylǵan bolatyn. Esepti merzimde 17,970 mln teńge ıgerilip, 385 adam jastar tájirıbesimen jiberildi.
Aıta keteıik, Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan baǵdarlamasy Elbasy N.Á.Nazarbaevtyń 2012 jylǵy 14 jeltoqsandaǵy «Qazaqstan - 2050» strategııasy: qalyptasqan memlekettiń jańa saıası baǵyty» atty Qazaqstan halqyna Joldaýyn júzege asyrý maqsatynda QR Úkimetiniń 2016 jylǵy 29 jeltoqsandaǵy №919 qaýlysymen bekitilgen bolatyn. Soǵan sáıkes qalalyq halyqty jumyspen qamtý ortalyǵy azamattardyń baǵdarlamaǵa qatysýy úshin tıisti aqparattyq jáne keńes berý jumystaryn atqarýda. Bıylǵy 1 qazanǵa deıin 7978 adam jumysqa ornalasý jóninde ótinish berilse, sonyń 3012-si jumyssyz retinde tanyldy.
Toǵyz aıda 4912 adam memlekettik qoldaý sharalarymen qamtyldy. Sonyń ishinde 2236 adam turaqty jumysqa, 121 adam basqa baǵdarlamalarǵa, 678 adam jastar tájirıbesine, 96 adam áleýmettik jumys oryndaryna, 1153 adam qoǵamdyq jumystarǵa, 629 adam kásiptik oqýǵa joldandy. Eki adam shaǵyn nesıege qol jetkizdi.
Bıylǵy 1 qazandaǵy málimet boıynsha shaharda 1837 adam jumyssyz retinde esepte tur. Jumyssyzdyq deńgeıi 1,3 paıyzdy qurap otyr.
