Oralda jantúrshigerlik jol apatynan 33 jastaǵy júrgizýshi mert boldy

ORAL. QazAqparat - Oralda jol apatynan júrgizýshi kóz jumdy, dep habarlaıdy QazAqparat polıtsııaǵa silteme jasap.

5 aqpan saǵat 02:30 shamasynda Oral qalasy Ábilqaıyrhan dańǵylynda Toyota Camry avtokóligin tizgindegen 28 jastaǵy jigit 33 jastaǵy júrgizýshiniń basqarýyndaǵy Aýdı-80 markaly avtokóligine soqtyǵysqan.

Jol apaty saldarynan Audi júrgizýshisi alǵan jaraqatynan oqıǵa ornynda kóz jumdy.

Toyota júrgizýshisi men 2003 jyly týǵan jolaýshy aýrýhanaǵa jetkizildi.

Atalǵan faktige qatysty QR QK 345-baby 3-bóligi boıynsha sotqa deıingi tergeý amaldary bastaldy.