Oralda jańajyldyq shyrshaǵa 180 bala jınaldy
ORAL. QazAqparat - H.Bókeeva atyndaǵy oblystyq qazaq drama teatrynda ótken dástúrli Elbasy shyrshasyna 180 bala qatysty, dep habarlaıdy «QazAqparat» tilshisi.
Oblys aýdandary men Oral qalasynan jetim, ata-ana qamqorlyǵynsyz qalǵan, az qamtylǵan jáne kóp balaly otbasydan shyqqan, sondaı-aq oqý men ónerde, sport salasynda tabysqa jetken 9-13 jas aralyǵyndaǵy jetkinshekter erekshe sánmen, ertegi keıipkerleri bolyp kıinip keldi. Merekelik kóńil-kúımen olar Elbasy Nursultan Nazarbaevtyń quttyqtaýyn LED ekran arqyly tyńdady.
Balalardy jańajyldyq merekemen oblys ákimi Altaı Kólginov quttyqtap, Memleket basshysynyń quttyqtaý jedelhatyn oqyp berdi. «Jańa jylda armandar oryndalsyn. Ol úshin úzdik oqyp, ata-ana men muǵalimder úmitin aqtaı bilý kerek. Eń bastysy, jalqaýlyqqa boı aldyrmaı, arman jolynda alǵa basa berińder!», dedi óńir basshysy.
Jańashyldyq shyrshada Aıaz ata men Aqshaqardyń, ertegi keıipkerleriniń qatysýymen teatrlandyrylǵan kórinister qoıyldy. Án men bıge de molynan kezek berildi.
Balalardyń árqaısysyna 86 myń teńgeniń syılyǵy tabys etildi. Bul shyrsha toıyn ótkizýge 17 mln jýyq teńge jumsaldy.
Jańajyldyq shyrshaǵa qatysýshylar «Aıdana» meıramhanasynda tústik iship, «Funky town» ortalyǵyndaǵy attratsıondardy tamashalap, dıskotekaǵa da qatysty.
