Oralda janarmaı maı quıý beketiniń janynda kólik órtendi
ORAL. QazAqparat – Oralda janar-jaǵar maı quıý beketiniń janynda júk kóligi órtendi, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa 23 qazan kúni saǵat 22.03-te Syrym Datuly 51-mekenjaıynda boldy.
«Merkýrıı» janar-jaǵar maı quıý beketiniń janynda 2014 jyly shyǵarylǵan «MAZ» júk kóliginiń kabınasy men qos jartylaı tirkemesi otqa orandy.
Saǵat 22.22-de sóndirilgen órtti aýyzdyqtaýǵa 9 adam, 3 tehnıka jumyldyryldy.
Avtokólik ıesi, órttiń shyǵý sebebi, keltirilgen shyǵyn anyqtalýda.
Eske sala keteıik, budan buryn Oralda monsha kesheni men «Talısman» dúkeni órtengenin jazǵan bolatynbyz.
