Oralda janar-jaǵar maı stansasy janynda avtokólik órtendi
ORAL. QazAqparat – Oralda janar-jaǵar maı stansasy janynda avtokólik órtendi, dep habarlaıdy QazAqparat tilshisi.
BQO TJ departamenti zilzalardyń qaýip-qaterin azaıtý jáne azamattyq qorǵaý salasyndaǵy baqylaý basqarmasynyń bastyǵy Erlan Tóregeldıevtiń aıtýynsha, oqıǵa keshe saǵat 20.19-da Zachagan kenti Jáńgir han kóshesi boıynda bolǵan.
«Neftek» JShS janar-jaǵar maı quıý stansasy aýdanynda «Nissan Pathfinder» avtokóliginiń motor bóligi otqa orandy.
«Tilsiz jaý» BQO TJ departamenti órt sóndirý qyzmetiniń kúshimen (6 adam, 1 tehnıka) saǵat 20.37-de aýyzdyqtaldy.
Departament kólik quraldarynyń otqa shalynbaýy úshin qaýipsizdik sharalaryn saqtaý qajettigin eskertedi.
