Oralda jańadan taǵaıyndalǵan «Batys» óńirlik qolbasshysy tanystyryldy

ORAL. QazAqparat - QR Іshki ister mınıstriniń buıryǵymen general-maıor Álibek Bolatuly Serálıev QR Ulttyq ulany «Batys» óńirlik qolbasshysy bolyp taǵaıyndaldy, dep habarlaıdy «QazAqparat» HAA tilshisi.

«Batys» óńirlik qolbasshylyǵynyń baspasóz qyzmetinen túsken málimetke qaraǵanda, QR Ulttyq ulanynyń bas qolbasshysy, general-leıtenant Rýslan Jaqsylyqov osyǵan oraı jeke qurammen kezdesip, jańa qolbasshyny tanystyrdy. R.Jaqsylyqov Á.Serálıevke «Batys» óńirlik qolbasshylyǵyn basqarýda tabystarǵa jetýine tilektestigin bildirdi.

Álibek Serálıev KSRO Іshki ister mınıstrligi BLKJO-nyń 60 jyldyǵy atyndaǵy Lenıngrad joǵary saıası ýchılışesin bitirgennen keıin qyzmettik jolyn rota komandıriniń tárbıe jáne áleýmettik-quqyqtyq jumystar jónindegi orynbasary bolyp bastady. Oralǵa kelgenge deıin Almaty qalasyndaǵy «Ońtústik» óńirlik qolbasshysy boldy.

Aıta keteıik, osy kezge deıin «Batys» óńirlik qolbasshylyǵyn basqarǵan general-maıor Qaırat Aqtanov Almatyǵa «Ońtústik» óńirlik qolbasshysy bolyp aýystyryldy.