Oralda jańadan «Aqjaıyq» shaǵynaýdany salynady
ORAL. QazAqparat - Oral qalasynda jańadan «Aqjaıyq» shaǵynaýdany salynady, dep habarlaıdy «QazAqparat» tilshisi.
Halyq aldyndaǵy esebinde oblys ákimi Altaı Kólginovtiń málim etkenindeı, jańa shaǵynaýdanda 150 kóp qabatty úı boı kóteretin bolady. Onda 50 myń halyq turady dep eseptelýde.
2020 jylǵa qaraı Zachagan kentinde Oral-Saratov, Oral-Atyraý kúre joly aralyǵynda kóp qabatty úıler salynyp bitedi. Osyndaı jumystar qalanyń soltústik-shyǵys aýdanynda da atqarylady.
«Aqjaıyq» shaǵynaýdanyna tezirek jetý úshin kópir de salynady. Bul maqsatqa bıýdjettik jáne sheteldik qarjylar da tartylady. Mysaly, «Qarashyǵanaq Petrolıým Opereıtıng b.v.» kompanııasynyń óńirdiń áleýmettik jobalaryna jyl saıynǵy bóletin qarjysy 20 mln AQSh dollarynan 30 mln AQSh dollaryna deıin ulǵaıtyldy.
Aıta keteıik, Depo kópiri qurylysy bitkennen keıin «Omega» zaýyty aýdanyndaǵy kópir de eki esege keńeıtilip, qaıtadan salynady.
